Estes son les escueles del CRA Baxu Nalón. ¡Agora solo falta que vosotres y vosotros contéis daqué sobre caúna delles!
 |
| Peñaullan |
En Peñaullan, esti ye'l primer añu que nun hai escolinos. Ye la sede del nuesu CRA, y allí reúnense los maestros y maestres.
 |
| Agones |
Félix, Yulia, Jana, Sofia, Paula, Alberto, Daniel, María y Rebeca cuéntennos que esta escuela foi fecha nel añu 1916, polo que ta próxima a facer cien años. La escuela d'Agones tien tá nel centru del pueblu y xusto enfrente tien un parque mui afayaizu. Esta escuela tien un patio onde xueguen tolos neños y neñes nel recréu; xueguen muncho al balón y los maestros tienen que salir a buscalo munches vegaes a la cai porque lláncenlu per enrriba la muria qu'arrodia la escuela.
 |
Santianes
Inma y Raquel son les alumnes que van a esti aula. El colexu de Santianes tá nel barriu la Cuesta. Nesti colexu hai una campana con un reló mui altu y grande que al pasar una hora toca, anque aveces tá paráu. Nesti colexu hai una pista mui grande y un parque con una mesina pa comer, un tobogán coloráu, un cañicón y un balancín con dos caballos; alredor del parque tá tou cubiertu de práu. Nesta escuela les neñes y los neños pasámoslo perbién.
|
 |
| Riberas |
Lucía, Eyre, Lena, Soraya, Joaquín ya Alba son los escolinos que van a esti aula. Pa ellos esti colexu ye mui grande y perguapu. Dixéronnos que tá mui bien equipáu ya, amás, tienen abondos xuguetes. Salen al recréu toos xuntos y xueguen muncho n'antoxana, nel prau o na pista que tienen al llau. La so clase ye guapa, lluminosa ya...¡pergraaaaaaande! ¡enooooooorme!, y gusta-yos muncho
 |
| Somao |
Laura, Estela, Johana, Kevin, Cristina y Pelayo son alumnes y alumnos de la escuela de Somao ya cuéntannos que-ys presta muncho dir a la escuela y que lo pasan perbién. Dícennos que tienen dos clases: una pa estudiar ya la otra pa facer actividaes como pintura. Dicen qu'hai munchu silenciu polo que pueden estudiar meyor, amás, tamién nos cuenten que tienen precioses vistes a la mar dende'l balcón.
Estos escolinos llévanse mui bien y xuegan toos xuntos y apoyénse los unos a los otros.
Alumnes y alumnos del CRA Baxu Nalón.
