"NUN YE HALOWEEN, YE SAMAÍN"

El  "Samaín", ye una festividá pagana que se cellebraba en munchos llugares d'Europa al rodiu de la festividá del 1 de payares, conmemorando'l fin de la época de la collecha y emponderando la escuridá. 

N'Asturies esta festividá conozse como Nueche de Difuntos o Nueche d'Ánimes y dalgunos de los sos ritos más característicos caltuviéronse hasta fai bien pocos años en numberosos núcleos rurales. Asina, el 31 d'ochobre, yera común ente los habitantes d'estos pueblos asitiar calabaces allumaes con veles nos caminos o les ventanes de les sos cases o celebrar los populares "amagüestos". 
Tamién yera común que los más pequeños s’amazcararen o que cubrieren la cara con ceniza y que fueren pidiendo comida peles cases. Utilizábense calabaces por cuenta de que yera la época de la so collecha. Primero qu’esta hortoliza llegara a Asturies utilizaben nabos. 

El Samaín significa “final del branu” y ye un términu que perdura dende fai más de 3000 años y que tamién ye usáu n'Irlanda. 

N'Asturies tá intentando recuperase esta cellebración. 
El 1 de payares conocémoslo dende siempre como'l día de tolos Santos.

Esta información tá sacada de la oficina de Normalización lLingüística de Mieres, onde esti añu van a facer esta fiesta de mieu.

Los Bolechas n'asturianu - 01x08 - Les Calabaces Espantibles

Tarta de castañes

(flickr)

Receta de tarta de castañes pal amagüestu

Esta ye una tarta d'eses que faen les güeles dende fai munchos años. La receta que ta equí puesta ta recoyía nel llibru de cocina de María Luisa, bien conocíu n'Asturies.

Esta tarta ye mui fácil y ta perbona. A mi facíamela mio güela cuando yera neña.
Acordáivos, que siempre que cocinamos, ayudamos na cocina o comemos,  tenemos que llavar bien les manes. 
Les fotos de la receta son del blog: http://elamaguestuasturias.blogspot.com.es/ Nesti blog podéis ver tamién la receta, picando nel enllaz.

Primer pasu

Estos son los ingredientes que necesitamos

 Segundu pasu

Pelamos les castañes, la primer piel

Tercer pasu

Cocémosles cola lleche

  Cuartu pasu

Dexamos qu'enfrien un pocoñín y pelámosles

Quintu pasu

Pasamos les castañes cocíes pel pasapuré


Sestu pasu

Axúntamos nuna fuente tolos ingredientes y revolvémoslos bien

Séptimu pasu

Untamos un molde de manteca y echamos la mezcla dientro.


Pasu caberu

¡Pa la nevera tola nueche!

                                                                 
                                                                           ¡Ñam, ñam!

Les semeyes de los ingredientes de la receta que vos ponemos tan sacaes d'un blog que  se llama: http://elamaguestuasturias.blogspot.com.es/.

Alumnes y alumnos del CRA Baxu Nalón :)

                                                      

Amagüestu

El prósimu 7 de payares vamos cellebrar l'amagüestu de la escuela. Esti añu va ser nel aula de Somao y tamos preparando delles sorpreses. Bien ceo, vamos colgar equí'l programa de les actividaes que vamos facer. De momentu, les neñes qu'esti añu cursamos sestu, tamos preparando'l pregón con munchu procuru. ¡Esperamos que vos preste!

Ñueces

Tamos na seronda, y tamién ye tiempu de ñueces

Fueyes, frutu y nocéu

Nocéu

Semeyes vieyes alcontraes na rede

Estes fotos tan colgaes n'internet y son d'otros años ¡Qué vos presten!

Picái nes semeyes pa dir al enllaz. Almuerzu saludable nel CRA.

Excursión a Grao

Mascotes

Na escuela de Santianes, les escolines, pensaron que yera bona idea tener una mascota de la clas d'asturianu. Si buscamos esta pallabra nel diccionariu alcontramos lo siguiente:

mascota, la: sust. Persona o animal [que trai bona suerte, que s’emplega como símbolu]

Punxéronse d'alcuerdu y ... esti foi'l resultáu: una espectacular xirafa, de color mariellu y con manchines marrón.

Dibuxámosla  y equí embaxo tá

Como podéis ver el nome de la xirafa ye Mariella.

La mascota de la clas d'asturianu de Santianes

 A ver que vos paez, dir pensando y... ¡animáivos nes otres escueles!

Pote castañes

Una comida pa la seronda

Agora, que vien el tiempu les castañes, vamos ver en clase un cachín d'un programa de Milio'l del Nido: Recetes con cuentu.

Milio ye un cocineru, cuentacuentos y escritor que, amás, ye presentador de televisión. Nesti programa de la tpa cuéntanos como se fai'l pote castañes. Esti pote yera mui habitual facelu pa comer en casa fai munchos años y güei tá bastante escaecíu.

Na seronda, comemos les castañes asaes, cocíes, pero tamién yera bona idea probales d'esta manera, como les comíen los nuesos ascendientes.

Milio'l del Nido

Un cachín del programa

Aprovecho tamién pa presentavos la portada d'un de los llibros que vamos a lleer en clase d'esti autor

La seronda

Pa repasar

Picái na semeya pa dir al xuegu

La casería

Pa repasar 

Picái na imaxen pa dir al xuegu